Ողբերգական դեպք. «Խնդրում եմ ինձ ների… ես փողերը չեմ վերցրել»

Գորիսում, դեկտեմբերի 14-ին, ինքնասպանության դեպք է գրանցվել. կինն ամուսնուն հայտնաբերել է լոգարանում կախված վիճակում, հաղորդում է Pastinfo-ն: Նշվում է, որ 39-ամյա տղամարդու կինը, աշխատանքից վերադառնալով, նրան հայտնաբերել է կախված վիճակում: Ապրանքների առք ու վաճառքով զբաղվող տղամարդու գործերն այնքան էլ հաջող չեն ընթացել եւ ինքնասպանություն գործելուց առաջ երկտող է թողել՝ հետեւյալ բովանդակությամբ. «Խնդրում եմ ինձ ների… ես փողերը չեմ վերցրել, ուղղակի միշտ տակ եմ տվել...»: Գրառման մեջ նա նաեւ հայտնել է, թե որտեղ իրեն հուղարկավորեն: