Ստուգված 10 միջոց. սիրելի կոշիկներն այլևս ցավ չեն պատճառի
Դիտումներ ` 641
Նոր կոշիկն իսկական փորձություն է ոտքերի համար։ Adme.ru-ն առաջարկել է տարբերակներ, որոնք հնարավորություն են տալիս մեկընդմիշտ ազատվել ցավից և անհարմարությունից, որ պատճառում են կոշիկները։
1. Սպեղանի (պլաստիր)։ Սա հավանաբար ամենաակնհայտ և տարածված միջոցն է, սակայն, անխոս, շատ լավ է աշխատում։ Կանխարգելում է բշտիկների առաջացումը, հատկապես, երբ բարձրակրուկ կոշիկ եք կրում։
2. Մանկական ցանափոշի։ Մինչ կոշիկը հագնելը մի փոքր մանկական ցանափոշի լցրեք դրա մեջ։ Եթե կոշիկը բոբիկ ոտքով եք կրելու, դա անելուց առաջ համոզվեք, որ այն չոր է:
3. Հաստ գուլպա և վարսահարդարիչ։ Հաստ գուլպայով հագեք նոր կոշիկը։ Վարսահարդարիչը պահեք այն հատվածին, որտեղ այն սեղմում է ոտքը։ Կոշիկը կրեք այնքան ժամանակ, քանի այն չի սառել։ Նյութը, որից պատրաստված է կոշիկը, տաքության ազդեցության տակ լայնանում է, դառնում ավելի նուրբ։ Սա աշխատում է միայն բնական նյութերի դեպքում։
4. Հոտազերծիչ (դեզոդորանտ)։ Ոտքի հետնամասը, մատներն այն հատվածներն են, որոնք ամենաշատն են տուժում նոր կոշիկ կրելու արդյունքում։ Պրոբլեմատիկ հատվածներին կարող եք հոտազերծիչ քսել։
5. Կոշիկի սիլիկոնե միջատակ (стелька): Սրանք շատ հեշտ է գտնել։ Արտադրվում են ինչպես ամբողջական, այնպես էլ փոքր միջատակեր։
6. Ջուր՝ պլաստիկ տոպրակում։ Երկու պլաստիկ տոպրակի մեջ ջուր լցրեք և դրեք կոշիկների մեջ։ Կոշիկն ամբողջ գիշեր թողեք սառնարանում։ Առավոտյան սառնարանից հանելուց հետո կնկատեք, որ կոշիկն ավելի լայն է դարձել։
7. Սիլիկոնե միջատակեր։ Ոտքերի հետնամասում գրգռումից և բշտիկների առաջացումից խուսափելու համար սիլիկոնե միջատակեր օգտագործեք, որոնք նախատեսված են ոտքերի հետնամասում դնելու համար։
8. Սպեղանիով ամրացրեք 3-րդ և 4-րդ մատները։ Սա կարող է տարօրինակ թվալ, սակայն արդյունքում ավելի հեշտ կլինի բարձրակրունկներ կրել։
9. Ոտքերին հանգստանալու ժամանակ տվեք։ Եթե ամբողջ օրը ոտքի վրա եք, ձեզ հետ հարմար ցածր կոշիկներ վերցրեք, որոնցով կարող եք փոխել բարձրակրունկները։
10. Տանկետկաները հրաշալի այլընտրանք են բարձրակրունկերին։ Ամեն օր բարձրակրունկների վրա քայլելը ծանր է ոտքերի համար։ Ուշադրություն դարձրեք տանկետկաներին. բարձրությունը գրեթե նույնն է, սակայն այս կոշիկներն ավելի հարմար են։
