Պետք է արդյոք երեխաներին հակաբիոտիկների հետ հակասնկային դեղեր տալ

Մնացած բոլոր դեպքերում խորհուրդ չի տրվում կանխարգելիչ նպատակներով հակասնկային դեղամիջոցներ խմել։ Եթե երեխան ընդհանուր առմամբ առողջ է եւ ոչ մի լուրջ ուղեկցող հիվանդություն չունի, նա, ամենայն հավանականությամբ, հակաբիոտիկների կուրսից հետո բարդացումներ չի ունենա։ Վերջին հաշվով, նման բարդացումների զարգացման ռիսկը մեծ չէ։ Մասնագետը նշեց, որ հակաբիոտիկների երկարատեւ թերապիայի ժամանակ, ըստ որոշ հետազոտությունների, 200 000-500 000 հիվանդից միայն մեկի մոտ կարող են առաջանալ լուրջ սնկային բարդացումներ։ Կարճ կուրս ընդունելու դեպքում այդ ռիսկն ավելի փոքր է։

Այսպիսով՝ 200 000 մարդկանց համար ոչ մի իմաստ չկա թանկարժեք դեղեր խմել (նորմալ հակասնկային դեղամիջոցի ամեն մի հաբն արժի 6000-7000 դրամ) նրանցից միայն մեկի մոտ սնկերը կանխելու համար։ Առավել եւս, եթե հիվանդի մոտ ամեն դեպքում ինֆեկցիա լինի, նա հակասնկային դեղեր խմելու է այն նույն քանակությամբ, որքան կանխարգելիչ նպատակների դեպքում։