Օգտակար ըմպելիքներ՝ օրը սկսելու համար
Դիտումներ ` 349
Վաղ առավոտյան թարմ քամած մրգային հյութը չափազանց օգտակար է ամբողջ օրգանիզմի համար: Հավանաբար բոլորը գիտեն այս մասին, սակայն միշտ չէ, որ ժամանակ ենք գտնում՝ մեզ համար թարմ քամած հյութ պատրաստելու: healthyfoodstar կայքն առաջարկում է հրաշալի ըմպելիքներ, որոնք բաղկացած են մրգերից և բանջարեղենից:
Յուրաքանչյուր բանջարեղենի և մրգի համադրություն արդեն իսկ հրաշալի է օրգանիզմի համար:
Իմունիտետը լավացնող ըմպելիք
- 1 փոքր շաղգամ
- 3 գազար
- Նեխուրի 8 ձող
- 1 մեծ կտոր բրոկոլի
- 2 պճեղ սխտոր
Բոլոր բաղադրիչները լցրեք հյութաքամիչի մեջ: Ստացված հյութը խմեք, այսպիսով՝ հնարավորություն կտաք օրգանիզմին պայքարել ինֆեկցիաների դեմ:
Գեղեցիկ մաշկ ունենալու հյութ
- 1-2 վարունգ
- 1 փոքր խնձոր
Այս համադրությունը հրաշալի է առողջ և գեղեցիկ մաշկ ունենալու համար: Վարունգը պարունակում է մի շարք հանքանյութեր, որոնք օգնում են մաշկին և խոնավեցնում են այն:
Սթրեսը հանգստացնելու ըմպելիք
- 2 բուռ սպանախ
- 3-4 կտոր բրոկոլի
- 3-4 ձողիկ նեխուր
- 1 մեծ կամ 2 փոքր գազար
Սպանախը պարունակում է մեծ քանակությամբ մագնեզիում, որը հանգստացնում է նյարդերը: Այն նաև լավացնում է տրամադրությունն ու օգնում է լավ քնել:
