ԱՄՆ Առողջապահության նախարարության Հիվանդությունների վերահսկման ու կանխարգելման կենտրոնի (CDC) տվյալներով՝ այս սնկային վարակն արդեն ախտահարել է 53 մարդու, որոնց մեծ մասը Նյու-Յորք նահանգի բնակիչներ են: Եվս երեք նահանգում, որտեղ գրանցվել են հիվանդության դեպքեր, հայտնաբերվել է Candida auris-ը կրող 27 առողջ մարդ:ԱՄՆ-ի հիվանդանոցներում սկսել է տարածվել մի վարակ, որի հարուցիչը Candida auris սունկն է: Դրա հետևանքով մահացության մակարդակը կազմում է 60%: Ընդ որում՝ վարակի դեմ պայքարի միջոցներ դեռ չկան:
Սնկի հետևանքով տեղային ախտահարումը հանգեցնում է արյունահոսող վերքերի առաջացմանը, ինչի պատճառով դադարում է աշխատել այդ վերքի հետ կապված օրգանը:
Candida auris-ի զոհ հիմնականում դառնում են թույլ իմունային համակարգ ունեցող մարդիկ:Սունկը գրեթե վնասակար չէ մարդու առողջության համար, սակայն նա կարող է դառնալ դրա կրողը: Որպես կանոն՝ Candida auris-ը տարածվում է բժշկական կենտրոններում՝ հիվանդի և առողջ մարդու շփման հետևանքով:
Առաջին անգամ Candida auris-ը հայտնաբերվել է 2009 թվականին Ճապոնիայում: Այդ պահից ի վեր այս վարակը հայտնաբերվել է նաև Կանադայում, Կոլումբիայում, Գերմանիայում, Հնդկաստանում, Իսրայելում, Քենիաում, Քուվեյթում, Նորվեգիայում, Պակիստանում, Իսպանիայում, ՀԱՀ-ում, Հարավային Կորեայում, Մեծ Բրիտանիայում և Վենեսուելայում:
2013 թվականի մայիսից մինչև 2016 թվականի օգոստոսն ընկած ժամանակահատվածում ԱՄՆ-ում գրանցվել է ախտահարման 13 դեպք, սակայն CDC–ի տվյալների համաձայն՝այնուհետև հիվանդությունը սկսել է 3 անգամ ավելի արագ տարածվել:
Գիտնականները նշում են, որ մարդկանց ու սնկերի միջև բավական շատ նմանություններ կան՝ կապված նյութափոխանակության հետ, ուստի սնկերի համար թունավոր միացությունները վնասակար են նաև մարդկանց համար: Սա է պատճառը, որ գիտնականները չեն կարողանում գտնել Candida auris-ի դեմ պայքարելու արդյունավետ միջոց: Ներկայում այս հիվանդության դեմ դեղամիջոցի ստեղծման ուղղությամբ աշխատանքներ են տարվում Մեծ Բրիտանիայում, Շվեդիայու և Ճապոնիայում: