4 լավագույն բանջարեղեն կանանց համար
Դիտումներ ` 669
Բանջարեղենը ցանկացած տարիքի կանանց սննդակարգի կարեւորագույն մաս է, նշում է բժիշկ Մաննի Ալվարեզը Foxnews.com-ից: Ներկայացնում ենք կանանց համար օգտակար 4 բանջարեղեն:
Սպանախ
Սպանախն ամենաօգտակար բանջարեղեններից է: Այն կարելի է ուտել ինչպես թարմ, այնպես էլ խաշած, կարելի է ավելացնել սոուսի կամ ցանկացած այլ ուտելիքի մեջ: Սպանախում պարունակվող նյութերը կօգնեն ամրապնդել սիրտն ու մկանները: Բացի այդ՝ սննդային թելիկները, որոնք պարունակվում են այս բանջարեղենում, շատ օգտակար են կանանց մարսողական համակարգի համար, իսկ K ու C վիտամինները, ինչպես նաեւ կալիումն ու լյուտեինը շատ արդյունավետ հակաօքսիդանտներ են: Սպանախը անհրաժեշտ է նաեւ հղիներին, քանի որ հարուստ է պտղի զարգացման համար անհրաժեշտ երկաթով:
Կալե
Կանաչ այս բանջարեղենը, որը դեռեւս անհայտ է շատերի համար, նույնպես հարուստ է մկանների, սրտի եւ իմունային համակարգի առողջության համար անհրաժեշտ նյութերով: Այն մեծ քանակությամբ K ու C վիտամիններ է պարունակում, ինչպես նաեւ բջջանյութ եւ մի շարք այլ օգտակար նյութեր:
Բրոկոլի
Բրոկոլին С, К եւ B վիտամինների լավագույն աղբյուր է: Բժիշկը խորհուրդ է տալիս բրկոլիով համեմել շատ տարբեր ուտեստներ, հատկապես սպագետին:
Լոլիկ
Լոլիկը A վիտամինի լավագույն աղբյուր է, ինչպես նաեւ լիկոպինի: Այդ պատճառով կանայք պետք է այն ներառեն իրենց սննդակարգում: Բացի այդ՝ լոլիկը հարուստ է նաեւ հակաօքսիդանտներով եւ օգնում է կանխարգելել քաղցկեղը:
