Քիմ Քարդաշյանն իր Twitter-ում հոլովակ է հրապարակել, որը տեղեկացնում է աշխարհի ամենահայտնի դիմահարդարի՝ բրիտանուհի Փեթ Մաքգրաթի կոսմետիկայի ապրանքանիշի հետ հայուհու համագործակցության մասին:

36-ամյա Քիմն արդեն հասցրել էր ուշադրություն գրավել Fashion Los Angeles Awards-ի մրցանակաբաշխության ժամանակ, իսկ հետո արդեն քրոջ՝ Քայլիի հետ նրան նկատել էին Keeping Up With The Kardashians ռեալիթի շոուի հերթական նկարահանումներին գնալիս:

Հիմա էլ Քիմը տեղեկացրել է նոր համագործակցության մասին:
Տեսանյութում, որը Քիմը ներկայացրել է իր բաժանորդների ուշադրությանը, կադրեր են ապրանքանիշի համար Քիմի մասնակցությամբ «գաղտնի» նկարահանումներից, իսկ որպես երաժշտական ձեւավորում օգտագործվել է «Սպիտակաձյունիկը եւ յոթ թզուկները» մուլտֆիլմից կախարդական հայելու հետ չար թագուհու երկխոսությունը: