Կանանց համար ճիշտ սննդակարգ՝ միզասեռական համակարգի տարատեսակ ինֆեկցիաների դեմ

Միզասեռական համակարգի տարատեսակ ինֆեկցիաների դեմ լավագույն պրոֆիլակտիկ միջոցն առողջ սնունդն է: Պարզվում է՝ մեր օգտագործած մթերքներն ազդում են հեշտոցի միկրոֆլորայի վրա: Եթե կնոջ օրգանիզմը չի ստանում անհրաժեշտ տարրերի անհրաժեշտ քանակությունը, ապա կաթնախտ (молочница) ստանալու ռիսկը 3 անգամ բարձրանում է:

Կանացի առողջ օրգաններ ունենալու համար բնական պրոբիոտիկներ և վիտամիններ են անհրաժեշտ:

Ճիշտ սննդակարգ՝ կանանց համար

Յոգուրտ- Յոգուրտի բաղադրության մեջ մտնող բակտերիաները կարգավորում են օրգանիզմի pH մակարդակը: Յոգուրտը տարատեսակ սնկային ինֆեկցիաների դեմ պայքարի հրաշալի միջոց է:

Ավոկադո- Առողջ ներքին և արտաքին սեռական օրգաններ ունենալու համար չափազանց կարևոր են կալիումն ու վիտամին B6-ը: Այս ամենը կարելի է գտնել ավոկադոյի բաղադրության մեջ: Ավոկադոն ամրացնում է հեշտոցի պատերը:

Գետնախնձոր և բատատ (քաղցր կարտոֆիլ)- A , C և B խմբի վիտամինների, բջջանյութի, կալիումի և երկաթի շնորհիվ կամրացնեք հեշտոցի և արգանդի պատերը: Գետնախնձորի և քաղցր կարտոֆիլի մեջ առկա բնական ֆիտոէստրոգենները կարգավորում են հորմոնային բալանսը:

Դդմի սերմեր- Դդմի սերմերը պարունակում են ցինկ, որը հանում է բորբոքումները: Իսկ վիտամին E-ն լավացնում է մաշկի վիճակն ու կարգավորում է ցիկլը:

Սխտոր- Հզոր հակամանրէային և հակասնկային միջոց է, որն օգնում է կանխարգելել սեռական ինֆեկցիաները: