Սովորաբար, թևատակերի տգեղ ծալքերի պատճառն ավելորդ քաշն է լինում: Այսօր Xohanoc.am-ը ձեզ կներկայացնի այդ պրոբլեմատիկ հատվածի ավելորդ ճարպերից ազատվելու մի արդյունավետ միջոց:
Հատուկ վարժություները կօգնեն այրել ավելորդ ճարպերը: Այդ վարժությունները կատարելու համար ձեզ պետք կգան. Միջին չափի ռետինե գնդակ և սրբիչ: Այս համալիր վարժությունների օգնությամբ դուք կազատվեք թևատակերի տհաճ ծալքերից՝ երեք շաբաթում:
Ինչպես ազատվել թևատակերի ճարպից
1 Գնդակի սեղմում
Գնդակը պետք է սեղմել երեք դիրքերով: Սկզբում վերցրեք գնդակը և ձեռքերը վերև բարձրացրեք, աշխատեք սեղմել գնդակը ձեռքի ափերով, որքան հնարավոր է ուժեղ: Մեջքը պետք է անպայման ուղիղ լինի, իսկ ուսերը ներքև: Այս դիրքով պետք է կանգնել 30 վայրկյան:
Իջեցրեք ձեռքերը՝ հատակին զուգահեռ և, ափերով սեղմելով գնդակը, կանգնեք այդ դիրքով 30 վայրկյան: Հետո ներքև իջեցրեք ձեռքերը և կրկնեք վարժությունը:
2 Սրբիչի ձգում
Վերցրեք սրբիչը և ձգեք ձեռքերը հատակին զուգահեռ: Աշխատեք ձգել սրբիչը որքան հնարավոր է ուժեղ: Այդ դիրքով մնացեք 30 վայրկյան, հետո մի փոքր ընդմիջեք և կրկնեք չորս անգամ:
