loading...

Ինչպես ազատվել սխտորի տհաճ հոտից



Դիտումներ ` 1608
Ինչպես ազատվել սխտորի տհաճ հոտից

Սխտորը կարող է սննդի համը դարձնել հիասքանչ, սակայն բերանի տհաճ հոտը, որը մնում է այն օգտագործելուց հետո, երբեմն կարող է խնդիր դառնալ: Օհայոյի համալսարանի ամերիկացի հետազոտողները որոշել են պարզել, թե որ սննդամթերքներն են օգնում մարդուն ազատվել սխտորի տհաճ հոտից:

Սխտորի մեջ պարունակվող AMS միացությունը մարսողության ժամանակ չի մարսվում, որի արդյունքում այն օրգանիզմից դուրս է գալիս շնչառական ուղիներով և քրտինքով: Դրանով էլ բացատրվում է այն կայուն հոտը, որը մարդու մոտ առաջանում է սխտոր օգտագործելուց հետո:

Ուսումնասիրության արդյունքում կամավորները հում սխտոր են օգտագործել, որից հետո տարբեր սննդաթերքներ օգտագործել, որոնք պետք է հեռացնեին բերանի տհաճ հոտը: Ստացված արդյունքները ցույց են տվել, որ սխտորի հոտի դեմ ամենից արդյունավետ «պայքարում են» խնձորն ու կիտրոնը, այնուհետև նեխուրը, կանաչ թեյը, մաղադանոսը և սպանախը: Այս բոլոր սննդամթերքներում պարունակվում է պոլիֆենոլ, որը հեռացնում է տհաճ հոտը: Ամենամեծ արդյունքը ստանալու համար մասնագետները առաջարկում են այս սննդամթերքները համատեղել սխտորի հետ:

Նախկինում անցկացված ուսումնասիրություններն էլ ցույց են տվել, որ սխտորի հոտի դեմ արդյունավետ պայքարում է նաև կաթը, ընդ որում՝ ճարպազերծված կաթը ավելի մեծ արդյունքներ է գրանցում:


loading...

Փակել