Իմացիր, թե ինչու է ցավում մարմնիդ այս կամ այն հատվածը

Ցավը զգուշացնող ազդանշան է, որը հուշում է, որ օրգանիզմում ինչ-որ բան այն չէ։ Եթե քո մարմնի որոշակի հատվածներ ցավում են առանց որևէ նկատելի պատճառների, չկա որևէ հիվանդություն կամ վնասվածք, ամենայն հավանականությամբ քեզ մոտ առկա ցավերը կապված են կյանքի տարբեր իրավիճակների հանդեպ մարմնիդ հոգեսոմատիկ ռեակցիայի հետ։ Հոգեսոմատիկան գիտություն է, որն ուսումնասիրում է մարդու հոգեկան աշխարհի ու ֆիզիոլոգիական գործընթացի կապը։ Երբ խախտվում է հոգեկան աշխարհը, ողջ օրգանիզմը սկսում է արձագանքել սրան ոչ միայն հիվանդությունների տեսքով, այլև զանազան տեսակի ցավերով։ Մարդկային օրգանիզմը զարմանալի համակարգ է, որտեղ ամեն ինչ փոխկապակցված է։ Իմացիր, թե ինչու է ցավում մարմնիդ այս կամ այն հատվածը։

 1  Գլխացավ

Եթե դու մշտապես սթրեսի ու լուրջ ծանրաբեռնվածության մեջ ես, մի՛ զարմացիր, որ գլուխդ ցավում է։ Գլխացավը հաղթահարելու լավագույն միջոցը հանգստացնող որևէ զբաղմունք գտնելն է, ինչպես օրինակ մեդիտացիան կամ յոգան։ Բժիշկ Քրիստիան Պետերսոնը պնդում է, որ պետք է հետևել էմոցիոնալ վիճակի ներդաշնակությանն, ու գլխացավը կնահանջի։

 2  Վիզ

Մարդն, ով ինչ-որ պատճառով չի կարողանում ինքն իրեն ներել, կարող է բողոքել վզի հատվածի ցավերից։ Մեղքի զգացումը կաթվածահար է անում մարմնի այս հատվածը։ Ինքնաքննադատությունից ու խղճի խայթից անհրաժեշտ է անհապաղ ազատվել։ Որպեսզի վզի հատվածի ցավն անցնի, անհրաժեշտ է աշխարհն ընդունել այնպիսին, ինչպիսին այն կա՝ իր բոլոր կողմերով։ Բժիշկ ոսկրաբան-կինեզիոլոգ Լորի Դասկենզոն խորհուրդ է տալիս ներել ինքդ քեզ  ու մյուսներին, ինչը դրականորեն կազդի քո ինքնազգացողության վրա։

 3  Ուսեր

Ոսկրաբան Ռոս Կիտսոնը բացատրում է, որ ուսը մարմնի այն հատվածն է, որտեղ ընկնում է մարդու պատասխանատվությունն ու հոգսը։ Ուսերի հատվածի ցավից ազատվելու լավագույն միջոցը հարազատների հետ հոգսը կիսելն է ու ամեն ինչ միայնակ տանելը դադարելը։

 4   Թիկունք

Այս հատվածը պատասխանատու է սիրո համար, այն տալու և ստանալու համար։ Ինքնազարգացման մասնագետ-մարզիչ Ռոնդա Դեգաստը կարծում է, որ այս հատվածում ունեցած ցավերը հուշում են, որ ժամանակն է զբաղվել մարդկանց հետ փոխհարաբերությունների կարգավորմամբ, փորձել բալանսավորել մյուսների հետ էներգիայի փոխանակումը, հավասարապես սեր տալ ու սեր ստանալ։

 5  Գոտկատեղ

Մեջքի ստորին հատվածը պատասխանատու է ֆինանսական խնդիրների համար, այնպես որ եթե դու դժգոհ ես քո նյութական վիճակից, մի՛ զարմացիր, որ մեջքիդ ստորին հատվածը փոքր-ինչ ցավում է։ Բժիշկ Մարկ Տոնգը զգուշացնում է, որ եթե փողը քեզ ցերեկ ու գիշեր հանգիստ չի տալիս, դու քիչ ես վաստակում կամ չափազանց շատ ես ծախսում, դա կարող է առողջական լուրջ խնդիրների հանգեցնել։ Փորձիր խելամիտ վարվել փողի հետ կապված խնդիրների հետ։

 6  Արմունկներ

Ալան Ֆոգելը «Psychology Today» պարբերականում հրապարակված հոդվածում նշել է, որ արմունկներն արտացոլում են, թե որքան կոպիտ ես արտաքին աշխարհի հետ։ Ավելի բարի՛ եղիր, փոխզիջումների գնա, և այս հատվածում ցավերը կնահանջեն։

 7  Ձեռքեր

Ձեռքերի միջոցով են տեղի ոնենում արտաքին աշխարհի հետ մեր հիմնական փոխազդեցությունները։ Լորի Դասկենզոն պնդում է, որ ձեռքերում ունեցած ցավը վկայում է մարդկանց հետ ունեցած շփման պակասի կամ դրա՝ չափից շատ լինելու մասին։
Ամեն ինչ պետք է չափավոր լինի, հիշի՛ր սրա մասին։

 8  Ազդրեր

Ոսկրաբան բժիշկ Բարբրա Կլարկը նշում է, որ ազդրերը կյանքում առաջ գնալու, մղումների հատվածն են: Եվ ազդրերի հատվածում ցավը, թուլությունը, տհաճ զգացողություններն ու հոգնածությունը ցույց են տալիս, որ մարդը պատրաստ չէ առաջ գնալ և նոր նվաճումների հասնել: Այս խնդրից ազատվելու համար պետք է կամային ամուր հատկանիշներ ցուցաբերել և գնալ դեպի նպատակը:

 9  Ծնկներ

Ծնկներն արտացոլում են ինքնագնահատականի հետ ունեցած խնդիրները։ Եթե մարդն իրեն անտեղի ցածրացնում է կամ մյուսներին վերևից է նայում, ծնկների հատվածում ցավերից չի կարող խուսափել։ Ոչ ավանդական արևելյան բժշկության հետևորդ Լորենս Միչելը կարծում է, որ ծնկները մեր էգո աշխարհն են, և խորհուրդ է տալիս վերանայել ինքնազգացողության ու ինքնագնահատականի սանդղակը, հումորով վերաբերվել ինքդ քեզ ու սիրել սեփական էգոն։

 10  Ոտքի մկաններ

Վիրավորանքն ու նախանձը կենտրոնանում են հենց այս հատվածում։ Բժիշկ Լաուրա Պերին գրում է, որ մկանները հանդիսանում են ինդիկատոր, որոնք պատասխանատու են էմոցիոնալ ֆոնի համար։ Նա խորհուրդ է տալիս ազատվել այս նեգատիվ զգացողություններից ու խաղաղ հոգով ապրել, և ոտքի մկաններն անհարմարություն չեն պատճառի։

 11  Կոճերում առկա ցավ

Ինքնաճանաչման բազմաթիվ գրքերի հեղինաակ Ջուլի Դուգլասը ասում է, որ կոճերը պատասխանատու են մեր հաճույքների ու լիցքաթափման համար: Եթե դուք միայն աշխատասեր եք ու ինքնամոռաց աշխատում եք՝ թույլ չտալով մարմնին հանգստանալ, այս մասին արագ կահազնագեն կոճերը: Դուգլասը խորհուրդ է տալիս ինքդ քեզ չզրկել արժանի պարգևներից և առավելագույն հաճույք ստանալ կյանքից։

 12  Ոտնաթաթեր

Կալիֆորնիացի հոգեբան Ադաոբի Անիջան պնդում է, որ կյանքում առկա մեծ չափաբաժնով բացասական երևույթները, իրադարձություններն ու մտածմունքները կարող են խնդիրների հանգեցնել ոտնաթաթերի մասերում: Նա խորհուրդ է տալիս ամեն կերպ վանել բացասականն ու կյանքին նայել այլ գույների պրիզմայից՝ գնահատելով ամեն փոքրիկ դրական բան, որ կա քո շուրջը։