Բաղադրատոմսեր, որոնք կօգնեն ունենալ փարթամ մազեր

Լոսյոն  1-ին՝ «Մեղրային քսուք»

Վերցրեք 1 հատ ձու, խառնեք այն 1 թ/գ մեղրի ու 2 թ/գ ձիթայուղի հետ: Քսեք այն մազերի վրա, մի փոքր մերսեք մազարմատները, որից հետո գլուխը փաթաթեք սրբիչով ու 15 րոպե շարունակ  տաքացրեք  այն վարսահարդարով ու լվացեք:

Լոսյոն  2-րդ՝ «կոնյակային»

1 հատ ձվի դեղնուցը հարեք 2 ճ/գ կոնյակի հետ: Քսեք այն գլխամաշկին ու մերսեք:  Լվացեք տաք ջրով: Կարող եք նաև լվանալուց հետո մազերը ողողել երիցուկի եփուկով:

Լոսյոն  3-րդ` «գնչուական»

Վերցրեք միջին չափի սոխ, այն մաքրեք, մանր կտրատեք ու լցրեք կես բաժակ ռոմի մեջ: Թողեք թրմվի 24 ժամ, որից հետո քամեք: Ստացված հեղուկով, յուրաքանչյուր 2 օրը մեկ  մերսեք գլխի մաշկը: Այն նաև օգտագործվում է որպես մազաթափության դեմ պայքարող դեղամիջոց:

Լոսյոն  4-րդ` «ձվային»

Հարեք 2 ձվի դեղնուցը մեկ բաժակ տաք ջրի հետ ու քսեք այն մազերին, թողեք 1 ժամ, որից հետո լվացեք մազերը առանց օճառի: