Որոշ քաղաքացիներ ահազանգում են. ժողովուրդը շտապում է գնումներ կատարել

«Հաշվի առնելով ամանորյա տոները, առավել ուշադիր լինել առևտրային շուկայում ապրանքների գների արհեստական բարձրացման և հակամրցակցային կանխարգելման հարցում», - ընդգծել է Կ. Կարապետյանը:  Իսկ մինչ այդ, Ժողովուրդ օրաթերթը անդրադառնում է ամանորին ընդառաջ թանկացումներին՝ ընդգծելով, որ դրանք օրեցոր նոր թափ է ստանում. «Հանրությունը հույս ուներ, որ ՀՀ ֆինանսների նախարար Վարդան Արամյանի հայտարարությունը, թե գալիք 2017թ. կենսաթոշակների եւ աշխատավարձերի բարձրացում չի լինի, գոնե առաջին անհրաժեշտության ապրանքները չեն թանկանա, սակայն ստիպված են հերթական հիասթափությունն ապրել»: Ավելին, օրաթերթը մեջբերում է ՀՀ Ազգային վիճակագրության ծառայության օպերատիվ տվյալները, համաձայն որոնց գնաճի հիմնական թիրախը ամանորյա սեղանի կարևորագույն մաս կազմող միրգ-բանջարեղենն է: Մասնավորապես, թանկացել են կարտոֆիլը, գլուխ և կանաչ սոխը, սխտորը՝ 9 տոկոս, կանաչեղենը՝ ավելի քան 23 տոկոս: Իսկ ահա մրգերը 2016 թ. նոյեմբերին, նախորդ տարվա նույն ամսվա համեմատ թանկացել են 17.7 տոկոսով. տանձը՝ 8,8, դեղձը՝ 18.2, խնձորը՝ 20.9. խաղողը՝ 36.1 տոկոս: Նույն պատկերը ժողովրդի կողմից այդքան սիրված «չարազեղենի» ապրանքխմբում է: