Ընդամենը երկու բաղադրիչ, որոնք կօգնեն ազատվել կոշտուկներից

Steptohealth.ru-ն գրում է, որ կոշիկների և այլ գործոնների ազդեցության հետևանքով ոտքերին հաճախ են կոշտուկներ առաջանում։ Որոշ դեպքերում խնդիրը կարող է խորանալ և հանգեցնել վարակների առաջացման։ Առաջարկվող բնական միջոցը կօգնի արդյունավետորեն ազատվել այս տհաճ, հաճախ՝ նաև ցավոտ խնդրից։

Այն պատրաստվում է սոխից և խնձորի քացախից։ Երկու բաղադրիչներն էլ հակաբորբոքային և հակաբակտերիալ հատկություններ ունեն, ինչի շնորհիվ փափկեցնում են մաշկը և լավացնում դրա վիճակը։ Դրանք օգնում են նաև մաշկը պաշտպանել սնկային և բակտերիալ վարակներից։

Սոխը մեծ քանակով հակօքսիդանտներ, ջուր, հակաբորբոքային նյութեր է պարունակում։ Արտաքին օգտագործման դեպքում այն փափկեցնում է մաշկը։ Սոխն օգնում է ճնշել միկրոօրգանիզմների ակտիվությունը, որոնք վարակի առաջացման պատճառ են դառնում։ Սոխը նաև վիտամին C, կալիում և մագնեզիում է պարունակում, որոնք դրական ազդեցություն են ունենում մաշկի վրա։

Սպիտակ քացախը հակաբակտերիալ հատկություն ունի, ինչի արդյունքում հաջողությամբ օգտագործվում է՝ որպես մաքրող միջոց։ Դրանում պարունակվող օրգանական թթուները ոչնչացնում են պաթոգեն միկրոօրգանիզմներին։ Քացախն օգտագործվում է նաև մաշկային մի շարք խնդիրների առկայության դեպքում. այն օգնում է կարգավորել մաշկի թթվահիմնային հավասարակշռությունը։

Ինչպես պատրաստել. բաղադրիչներ

• 1 սոխ
• կես բաժակ սպիտակ քացախ։

Պատրաստման եղանակը

• Լավ լվացեք սոխը, մանր կտրատեք։
• Լցրեք շշի մեջ, ավելացրեք քացախ և փակեք։
• Դրեք մութ և սառը վայրում, թողեք ամբողջ գիշեր։

Օգտագործման եղանակը

• Բամբակը թրջեք ստացած միջոցով և քսեք կոշտուկներին։
• Թողեք ոտքին 4-6 ժամ։
• Խորհուրդ է տրվում ստացված միջոցը ոտքին թողնել ամբողջ գիշեր։
• Կրկնեք այնքան, մինչև կոշտուկներն անհետանան։
• Մի մոռացեք ամեն օր ոտքերին խոնավեցնող կրեմ քսել։