Տնական պաղպաղակ Ելակով և բանանով

Բաղադրիչներ

• բանան - 200 գր (լավ կլինի շատ հասած բանաններ վերցնել)
• ելակ - 200 գր
• յոգուրտ դասական - 150 գր
• շաքարի փոշի - 50 գր
• հյութ կիտրոնի - 1 ճ/գդ

Պատրաստման եղանակ

Բանանն ու ելակը սառցարանից հանում ենք և լցնում ամանի մեջ: 10-15 րոպե (ոչ ավելի) սենյակային ջերմաստիճանում ենք թողնում:

Յոգուրտը, շաքարի փոշին և կիտրոնահյութը նախապատրաստում ենք, որպեսզի ամեն ինչ ձեռքի տակ լինի: Ելակն ու բանանը ձեռքի բլենդերով խյուսի ենք վերածում: Անմիջապես ավելացնում ենք յոգուրտը, շաքարի փոշին և կիտրոնահյութը: Զանգվածն արագորեն, հարում ենք մինչև համասեռ դառնա և ամիջապես սառցարանն ենք տեղափոխում:

2-3 ժամ սառեցնում ենք, սակայն յուրաքանչյուր ժամը մեկ սառցարանից հանում ենք և բլենդերով խառնում: Եթե զանգվածը ձևը լավ է պահպանում և մեծ դժվարությամբ է խառնվում,  լցնում ենք փակվող տարայի մեջ և վերջնականապես սառեցնում ենք:

Մատուցելուց 10-15 րոպե առաջ պաղպաղակը սառցարանից հանում ենք, այնուհետև պաղպաղակի գդալով տեղափոխում պաղպաղակի ամանի մեջ:

Նյութի Աղբյուր՝ http://www.cooks.am