Նախիջևանը պետք է վերադարձնենք. Տոնոյանն ու Մնացականյանը փողկապավոր գավառամիտներ չեն, մեծ հույսեր կան
Դիտումներ ` 1753
ՀՀ պաշտպանության նախարար Դավիթ Տոնոյանը և ՀՀ արտգործնախարար Զոհրաբ Մնացականյանն այցելել են ՀՀ հարավ արևմտյան սահմանագիծ՝ նախիջևանյան ուղղություն, ֆեյսբուքյան իր էջում գրել է ՊՆ մամուլի քարտուղար Արծրուն Հովհաննիսյանը: «Տեղում ծանոթանալով օպերատիվ իրավիճակին երկու նախարարները զորամիավորման հրամանատարաության հետ քննարկել են սահմանային ուղղության ծառայության առանձնահատկություններին։
Նախարար Դավիթ Տոնոյանը հրամանատարությանը հանձնարարել է լինել մշտապես զգոն, չտրվել որևէ սադրանքի, սակայն խստագույնս կանխել հակառակորդի ցանկացած առաջխաղացում», – գրել է Արծրուն Հովհաննիսյանը:
Քաղաքագետ Լևոն Շիրինյանը «Առաջին լրատվական»-ի հետ զրույցում նշեց՝ արտգործնախարարի և պաշտպանության նախարարի փոփոխությունը դրական է գնահատում, նրանց կատարած քայլն էլ՝ ողջունելի է. «Որպես պահանջատեր քաղաքացի՝ երկուսի պարագայում էլ տեսնում եմ այն նախարարներին, որ ես էի պատկերացնում։ Պատկերացնո՞ւմ եք Նալբանդյանը հողի վրայով քայլեր ու հասներ սահմանագիծ։ Քառօրյա պատերազմի ժամանակ էլ չքվել էր՝ անհայտ էր նրա գտնվելու վայրը։Թավշյա հեղափոխոխությանն ու նրա առաջնորդին էլ՝ շնորհակալություն, որ նման փոփոխության ականտեսը եղանք»։
Շիրինյանը շարունակում է.«Չափազանց կարևոր այց եմ համարում։Դա մեր հայրենիքն է և մեզ անհրաժեշտ են պահանջատեր պետության պահանջատեր նախարարներ։ Այնտեղ չէին խոսում պաղպաղակ ուտելու մասին, այլ պաշտպանության ու հուսով եմ, որ Նախիջևանը հետ բերելու մասին։
Դա մեր պետության անքակտելի մասն է, միջազգային օրենսդրությամբ ամրագրված»։
Շիրինյանն ակնկալում է, որ Հայաստանի նոր իշխանություններն այդ ուղղությամբ քայլեր կձեռնարկեն.«Եթե չակնկալեմ, ապա այս իշխանափոխությունը կվերածվեր սովորական իշխանափոխության։ Ես հավատում եմ, որ դա այդպես չէ ու վստահ եմ, որ ժողովուրդը չի էլ թողնի, որ այդպես լինի: Մեր ընկճվածությունը պետք է դուրս գա, հարցը պետք է բարձրացնենք կամ ՄԱԿ-ի անվտանգության խորհրդրում կամ ՀԱԱԳԱ-ի դատարանում ու պետք է սկսվեն բանակցություններ Նախիջևանը Հայաստանին վերադարձնելու վերաբերյալ։Մոսկվան այն տարբեր մախինացիաներով հանձնել է թուրքին, հիմա պետք է սկսել գործընթաց մեր մեծ գործընկերոջ հետ մեզնից գողացածը վերադարձնելու համար։ Առաջ այդ մասին շատ եմ ասել, բայց Նալբանդյանի հետ հույս չէի կապում»։
Քաղաքագետի խոսքերով՝ մենք պետք է մտածենք մեր և մեր շահերի մասին.«Կարող է Ռուսաստանին ձեռնտու չէ, որ մենք ապրենք՝ ի՞նչ է չապրենք, Ռուսաստանին ձեռնտու չէր մեր թավշյա հեղափոխությունը, բայց տեսան, որ տարբերակ չունեն։
Նիկոլ Փաշինյանը, որ ասում է Ռուսաստանի հետ հարաբերությունները պետք է զարգացնենք՝ ես հասկանում եմ իրավահավասարություն, ոչ թե ճորտի վիճակում, այլ գործընկերոջ՝ հիմա նա պարտավոր է մեզնից գողացածը վերադարձնել, գողացել տվել է նրան՝ մեզ հետ պայմանագիր ունենալու պայմաններում։ Ես ասում եմ՝ մեզ հաջողվել է ունենալ լավագայում պաշտպանության և արտաքին գործերի նախարարներ, որոնք փողկապավոր գավառամիտներ չեն՝ ի տարբերություն նախորդների։ Ես հավատում եմ, որ նրանք կպաշտպանեն մեր պետության շահերը, բանակն էլ պետք է միշտ պատրաստ լինի ցանկացած ռազմական գործողության՝ դրա մասին ավելորդ է խոսելը։ Հիմա այդ ի՞նչ հարցադրում է՝ ուզու՞մ են ռուսները, թե՞ ոչ։Ես էլ չէի ուզում, որ Դոնբասը գրավեն, բայց գրավե՞լ են չէ ու մեր կարծիքը չեն հարցրել»։
Քաղաքագետ Լևոն Շիրինյան
