Մեծ ողբերգություն Չելյաբինսկում կան զոհեր,բոլորը ՀՀ քաղաքացիներ են:

Չելյաբինսկի մարզում հայտնաբերվել է լճում տեղի ունեցած ողբերգության 7-րդ զոհի մարմինը։ Բոլոր զոհերն ազգությամբ հայեր են։ Ջրասույզ է եղել նաեւ 4 երեխա, որոնցից մեկը՝ 2 տարեկան:

Փրկարարների տվյալներով՝ վերջին ջրասույզի մարմինը Չեսմենսկի շրջանում ջրի մակերեւույթ է բարձրացել հուլիսի 4-ին, փոխանցում է Metronews պորտալը։

Հիշեցնենք, որ լճում դժբախտ պատահարը տեղի է ունեցեել հուլիսի 2-ի երեկոյան։ Լճի վրա նավարկել որոշած անձինք խախտել են անվտանգության բոլոր կանոնները. ծանրաբեռնել են նավակը, չեն հագել փրկարարական բաճկոնները եւ այլն։

Տեղի լրատվամիջոցները հստակեցրել են, որ այդ երեկո խնջույք են կազմակերպել 16-ամյա Անգելինայի դպրոցն ավարտելու կապակցությամբ. աղջիկը միջնակարգ դպրոցը գերազանց էր ավարտել։ Ափին հավաքվել է 3 ընտանիք, 3 հարազատ եղբայրներ՝ շուրջ 25 մարդ, որոնք որոշել են երեխաների հետ լճում զբոսնել մոտորանավակով։

Չնայած նավակը կառավարող 38-ամյա Արման Դ.-ի համար լիճ դուրս գալու առաջին փորձը չէր, բայց այս անգամ նավակը ծանրաբեռնված էր։ Դրանում 9 մարդ կար՝ 3 չափահաս եւ 6 երեխա։ Նավակը շրջվել է ափից 50 մետր հեռավորությամբ։

Ափից օգնության հասած տղամարդկանց հաջողվել է փրկել միայն դեռահաս տղային եւ 16-ամյա Անգելինային, ինչպես նաեւ երկու կանանց։ Նրանք լողալով են ափ հասել։