Կինը հայտարարում է, որ բակի զուգարանում վիժել է, իսկ երեխան ընկել է հորը

Քիչ առաջ արտակարգ դեպք է տեղի ունեցել Լոռու մարզում։ Ինչպես հայտնում է ֆոտոլրագրող Գագիկ Շամշյանը, Թումանյանի տարածաշրջանի Արևածագ գյուղի հղի բնակչուհին տան բակում տեղադրված սանհանգույցում վիժել է, և երեխան ընկել է հորը։

Այս պահին գյուղ են ժամանում ոստիկանության Թումանյանի բաժնի օպերատիվ խումբը՝ բաժնի պետ Վահագն Մոսինյանի գլխավորությամբ։

Ժամանում են նաև Արտակարգ իրավիճակների նախարարության Փրկարար ծառայության Թումանյանի հրշեջ-փրկարարական ջոկատը՝ հրամանատարի գլխավորությամբ։

Դեպքի մասին տեղեկացվել է նաև ոստիկանության Լոռու մարզային վարչության և Հայաստանի քննչական կոմիտեի Լոռու մարզային քննչական վարչություն, որտեղից գյուղ են ժամանում Լոռու մարզի ոստիկանապետ Արամ Ղազարյանն ու քննչական վարչության պետ Թաթուլ Շուշանյանը։

Ոստիկանությունն ու քննչական բաժինը պարզում են դեպքի հանգամանքները։