Հունաստանում, նախնական տվյալներով, հայեր չեն տուժել

Աթենքում ՀՀ դեսպանության նախնական տվյալներով հայեր չեն տուժել։ Այս մասին քիչ առաջ Twitter-ի իր էջում գրել է Հայաստանի ԱԳՆ մամուլի խոսնակ Տիգրան Բալայանը:

«Ըստ armemb.gr-ի նախնական տվյալների Կոս կղզի մոտակայքում երկրաշարժի հետևանքով տուժածների շրջանում ՀՀ քաղաքացիներ կամ հայեր չկան»,-գրել է նա:

Հիշեցնենք, որ հզոր երկրաշարժ է տեղի ունեցել Էգեյան ծովում՝ թուրք-հունական սահմանին։ Հիմնական հարվածը հասել է հունական Կոս կղզու, ինչպես նաեւ թուրքական Բոդրում տուրիստական քաղաքի վրա։

Նախնական տեղեկություններով՝ երկրաշարժի արդյունքում 2 մարդ մահացել է, կա 120 վիրավոր։