Արդյոք քավորը կթողնի, որպեսզի Հենրիխը խոսի. Մխիթարյանի ռումբը
Դիտումներ ` 1001
Հայաստանի ֆուտբոլի ազգային հավաքականի նախկին հարձակվող Յուրա Մովսիսյանը կոչ է արել ոստիկաններին դադարեցնել բռնությունները քաղաքացիների նկատմամբ: Նա Հայաստանում ընթացող ցույցերից լուսանկար է հրապարակել եւ գրառում կատարել:
«Սա լուսանկար է, որը լավագույնս է նկարագրում մեր ազգը: Մարդիկ միասնական են, կողք-կողքի՝ անկախ տարիքից եւ սեռից: Ոստիկաննե՛ր, դադարեցրեք բռնությունները ձեր իսկ եղբայրների ու քույրերի նկատմամբ: Մեր ազգը թիմ է, եւ մեծ ազգ ունենալու համար, պետք է մեծ թիմ լինենք»,- գրել է նա:
Մեկնաբանություններում հայերը շնորհակալություն են հայտնել Յուրա Մովսիսյանին: Որոշ հայեր էլ նրա գրառման մեկնաբանություններում ՀՀ հավաքականի եւ Լոնդոնի «Արսենալի» կիսապաշտպան Հենրիխ Մխիթարյանին են կոչ արել անել իր քայլը:
Ինչպես հայտնի է Ռուբեն Հայրապետյանը Հենրիխ Մխիթարյանի կնքահայրն է:
Նիկոլ Փաշինյանը կոչ է արել Հայաստանի հավաքականի առաջատար ֆուտբոլիստին, որպեսզի վերջինս արձագանքի և միանա հասրակական համատարած ընդվզմանը:
Սակայն հարց է թե արդյոք Հենրիխն անկախ իր ցանկությունից կկարողանա իր խոսքն ասել՝ հաշվի առնելով իր կնքահոր ազդեցությունը, քանզի Մխիթարյանի խոսքի ուժն, իսկապես, շատ մեծ է լինելու: Նրա կոչը կամ ներկայությունն ուղակի ռումբի ազդեցություն կունենա
