Արցախը նոր պատերազմի մասին է նախազգուշացնում Ադրբեջանը ակտիվորեն պատրաստվում է
Դիտումներ ` 2669
երջին շրջանում կրկին ակտիվացել են խոսակցությունները Արցախում պատերազմի վերսկսման շուրջ: Պատերազմական գործողությունների մասին խոսում են ոչ միայն քաղաքագետներն ու ռազմական փորձագետները, այլ նաև կադրային զինվորականները:
Շաբաթներ առաջ Արցախի Հանրապետության պաշտպանության նախարար Լևոն Մնացականյանն էր խոսել սահմանային իրավիճակի մասին և հայտարարել էր, որ Արցախի բանակը պատրաստ է վերջնական ջախջախիչ հարված հասցնել Ադրբեջանականին զինուժին: Նախարարի հայտարարությունը պատահական չէր և այն ուղղված էր սադրիչ գործողություններ նախապատրաստող ադրբեջանական կողմի համար: Նախարարը այս հայտարարությամբ փորձեց հասկացնել, որ չփորձեն իրավիճակը սրել:
Այսօր արդեն Արցախի սահմանում տիրող իրավիճակի մասին խոսել է երկրի զորամասերից մեկի հրամանատար Ջալալ Հարությունյանը: Գնդի հրամանտարը լրատվամիջոցներից մեկի հետ զրույցում հայտարարել է.«Հակառակորդի զինտեխնիկայի տեղաշարժերը, ծավալած ինժեներական աշխատանքները, սահմանի երկայնքով անցկացվող զորավարժությունները հարձակողական բնույթի են» ,-ասել է հրամանատարը՝ հավելելով, որ հայկական կողմը ամեն դեպքում հետևում է Ադրբեջանի գործողություններին:
Ջալալ Հարությունյանը նույն հարցազրույցի ընթացքում հայտարարել է, որ Արցախի բանակը պատրաստ է լայնածավալ գործողությունների.«Մեր ստորաբաժանումները պատրաստ են ավելի լայնածավալ մարտական գործողությունների»,-ասել է հրամանտարը:
Արցախի բանակի պաշտոնատար անձանց նման հայտարարությունները վկայություն են այն փաստի, որ Ադրբեջանն իրականում պատրաստվում է լայնածավալ գործողությունների: Կադրային զինվորականների հայտարարությունները նշանակում են մեկ բան, որ Ադրբեջանը գնում է նոր պատերազմի: Այս հայտարարությունները խոսում են նաև հայկական կողմի պատրաստվածության մասին և զգուշացնում են Ադրբեջանի իշխանություններին, որ այս անգամ իրենց կողմից սանձազերծվող գործողությունները չեն լինի անսպասելի ու Ադրբեջանը լուրջ կորուստներով է դուրս գալու, եթե իհարկե կարողանա դուրս գալ:
