8 «առասպել» ալկոհոլի մասին
Դիտումներ ` 843
8 «առասպել» ալկոհոլի մասին
Բժիշկները հերթական անգամ հիշեցրել են, որ ալկոհոլը ո՛չ միայն օղին է, այլև գարեջուրը, որը որոշ մարդկանց համար ամենօրյա խմիչք է: ladyhealth.com.ua-ը առաջարկում է պարզել՝ դա լավ է, թե՝ վատ, և, ընդհանրապես, ինչպես է ալկոհոլն ազդում օրգանիզմի վրա:
1. Շատ կարող է խմել միայն առողջ մարդը
Միանգամից մեծ քանակությամբ ալկոհոլ խմելուց չհարբելը շատերին թվում է եզակի ընդունակություն, սակայն բժիշկները համարում են, որ դա ալկոհոլիզմի երկրորդ փուլն է: Դա շատ արագ վերաճում է ծանր հիվանդության՝ ճակատագրական ելքով:
2. Ալկոհոլն ազդում է ախորժակի վրա
Ալկոհոլ խմել ախորժակի լավացման համար շատ վտանգավոր է, հատկապես սոված վիճակում և ուտելուց առաջ:
3. Ալկոհոլից մարդիկ գիրանում են
Ալկոհոլի մեծ չափաբաժինները արգելակում են նյարդային կենտրոնները, և մարդը չի զգում, որ չափից շատ է կերել, որի հետևանքով էլ գիրանում է:
4. Թանկ և որակյալ ալկոհոլն անվնաս է
Նույնիսկ որակյալ ալկոհոլն օրգանիզմում առաջացնում է ալկոհոլային թույն, որը հատկապես վտանգավոր է սիրտ-անոթային համակարգի համար:
5. Հակաբիոտիկներ ընդունելու ժամանակ չի կարելի խմել
Իրականում ալկոհոլը կարող է միայն թուլացնել որոշ հակաբիոտիկների ազդեցությունը, սակայն կյանքին վտանգ չի սպառնում: Ալկոհոլն առավել վտանգավոր է ցավազրկողների հետ օգտագործելու ժամանակ, որովհետև կարող է վնասվել աղիների լորձաթաղանթը:
6. Ալկոհոլն օգնում է քնել
Դա, իրոք, այդպես է, սակայն այն ազդում է քնի խորը փուլերի վրա: Հարբած վիճակում քնած մարդը հեշտությամբ արթնանում է:
7. Ալկոհոլիզմից կարող են կոդավորվել
Կոդավորումը չի վերացնում ալկոհոլիզմի պատճառները և չի վերականգնում նյարդային համակարգը: Երբեմն կոդավորումից հետո հիվանդը սկսում է ավելի շատ խմել:
8. Ալկոհոլն ազատում է սթրեսից
Իրոք, կարելի է ալկոհոլի միջոցով տրամադրությունը բարձրացնել, սակայն այդ դեպքում չափաքանակը պետք է շատ քիչ լինի` 20-30 մլ օղի կամ կոնյակ:
