Նայեք ձեր շուրջը։ Վաղո՞ւց եք արդյոք տանը անպետք իրերի ստուգում կատարել։ Գոյություն ունի կարծիք, որ հին, մաշված իրերը, որոնք անպետքության և անգործության են մատնված՝ ոչ միայն փոշի են հավաքում, այլ նաև բացասաբար են ազդում տան էներգետիկայի վրա։

Առաջարկում ենք ծանոթանալ 20 իրերի ցուցակի հետ, որոնցից պետք է ազատվել առաջին հերթին։

Լոգարան

1. Լողասենյակի հին պարագաներ (ստուգեք դրանց օգտագործման ժամկետը։ Ամենայն հավանականությամբ լոգանքի այն ժելը, որն արդեն 2 տարի է գտնվում է լոգարանի անկյունում՝ վաղուց արդեն փչացել է)։
2. Եղունգների չորացած լաքեր (ձեր ինչի՞ն է դա պետք)։
3. Հին, փոքրիկ գորգեր (քիչ չէ, որ դրանք վաղուց մաշվել են, պատկերացրեք, թե որքան մանրէ է հավաքվել դրանց վրա)։
4. Օդի թարմեցնող միջոցների դատարկ տարողություններ։
5. Հին կոսմետիկա (ձեր ինչի՞ն է պետք 5 չորացած տուշերը)։

Հյուրասենյակ

1. Թերթեր (հնարավոր է արժի հրաժարվել բաժանորդագրությունից, եթե դուք դրանք այլևս չեք կարդում)։
2. DVD սկավառակներ (Ե՞րբ եք վերջին անգամ միացրել դրանք)։
3. Խաղալիքներ, որոնցով վաղուց երեխաները չեն խաղում (կարելի է նվիրել կարիքավոր երեխաներին)։
4. Հին մարտկոցներ։
5. Կահույքի հավաքման ինստրուկցիաներ (կահույքը վաղուց հավաքված է, ձեր ինչի՞ն է այն պետք)։

Ննջասենյակ և զգեստապահարան

1. Մաշված անկողնային սպիտակեղեն։
2. Հին շարֆեր և այլ աքսեսուարներ (միշտ հիշեք, եթե դուք չեք կրել դրանք մեկ տարուց ավել, ապա հավանականությունը, որ դուք կրկին կկրեք դրանք՝ ձգտում է զրոյի)։
3. Հին կախիչներ։
4. Հին հագուստներ։
5. Հատ գնացած կանացի գուլպաներ կամ զուգագուլպաներ։ Դրանց այլևս ոչինչ չի փրկի։

Խոհանոց

1. Երկուական առարկաներ (ձեր ինչի՞ն է պետք պանրի երկու քերիչ)։
2. Թեյի կամ սուրճի չօգտագործվող բաժակներ։
3. Համեմունքներ, որոնք չեք օգտագործում։
4. Խանութ գնալու հին պայուսակներ։
5.  Մագնիսներ (կարելի է պահել միայն ձեր սրտին մոտ, հոգեհարազատ հուշանվերները)։

Դե, ի՞նչ եք կարծում, չարժե՞ ստուգումներ անցկացնել։