10 բան, որոնց համար կզղջաս 10 տարի անց
Դիտումներ ` 334
1. Կրել դիմակ՝ տպավորություն գործելու համար
Եթե այն դեմքը, որը ցույց ես տալիս բոլորին, դիմակ է, ապա շուտով դրա տակ ոչինչ չի մնա: Ամեն անգամ, երբ կենտրոնանում ես այն բանի վրա, թե ինչպե՞ս են ուրիշ մարդիկ ընդունում քեզ կամ ցանկանում տեսնել քեզ, մոռանում ես, թե ո՞վ ես դու իրականում: Հետևաբար, մի վախեցիր, որ քեզ կդատապարտեն ուրիշները, դու գիտես, թե ով ես իրականում, և ինչն է քեզ համար լավ: Հարկավոր չէ իդեալական լինել, որպեսզի զարմացնես կամ ոգեշնչես մարդկանց: Թող նրանց զարմացնի և ոգեշնչի, թե ինչպես ես ուղղում թերություններդ:
2. Թույլ տալ ինչ-որ մեկին քեզ համար երազանքներ ստեղծել
Կյանքի ամենադժվար հանձնարարությունն է՝ հասկանալ՝ ով ես դու իրականում, երջանիկ լինել այնպիսին, ինչպիսին կաս: Այդ ամենի կարևոր բաղադրիչը քո որոշումն է՝ հավատարիմ մնալ նպատակներիդ ու երազանքներիդ: Շրջապատումդ կան մարդիկ, որոնք քեզ հետ համամիտ չե՞ն: Շատ լավ: Դա նշանակում է, որ քո մտածելակերպը տարբերվում է, ու դու գնում ես սեփական ճանապարհով: Երբեմն անում ես բաներ, որոնք ուրիշներին խելահեղ արարքներ են թվում, բայց եթե դրանք անելիս չես նկատում, թե ինչպես է անցնում ժամանակը, նշանակում է, որ ճիշտ բաներ ես անում:
3. Ընկերություն անել հակադիր տրամադրված մարդկանց հետ
Թույլ մի տուր նեգատիվ տրամադրությամբ մարդկանց՝ դա քեզ փոխանցել: Թույլ մի տուր նրանց հասնել քեզ: Նրանք ձգանը չեն քաշի, եթե նրանց զենք չտաս: Եթե միշտ հիշես, որ նման մարդկանց հետ հարաբերություններ պահպանելն ընտրություն է, այլ ոչ՝ պարտականություն, կազատես քեզ մյուս մարդկանց հետ հարաբերությունների համար, որոնք նյարդայնացնելու փոխարեն՝ կհասկանան քեզ, ժլատության փոխարեն՝ առատաձեռն կլինեն:
4. Էգոիստ լինել
Ամենալավ հուշարձանը կյանքն է՝ լի բարի արարքներով: Մարդիկ, որոնց հետ կիսում ես քո սերն ու ոգևորությունը, կհիշեն քեզ այն ժամանակ, երբ չլինես այս աշխարհում: Անունդ գրիր ոչ թե քարի վրա, այլ՝ սրտերում: Այն, ինչ արել ես միայն քեզ համար, կմեռնի քեզ հետ: Մնալու է այն, ինչ արել ես ուրիշների համար:
5. Խուսափել փոփոխություններից և աճից
Ուզում ես իմանալ անցյալիդ մասին, նայիր այն պայմաններին, որոնցով ապրում ես ներկայում: Եթե ուզում ես իմանալ ապագադ, ուշադրություն դարձրու այն արարքներին, որոնք կատարում ես ներկայում: Պետք է հրաժարվել հին բաներից, որպեսզի նոր կյանք սկսես, հինը գնացել է ու երբեք չի վերադառնա: Եթե գիտակցես դա հենց հիմա և քայլ անես՝ նորին ընդառաջ, կհասնես հաջողությունների:
6. Կանգնել, երբ սկսվում են դժվարություններ
Չեն լինում ձախողումներ, լինում են միայն արդյունքներ: Եթե անգամ գործերն այնպես չեն գնում, ինչպես դու ես ուզում, մի վհատվիր ու մի հանձնվիր: Դասեր քաղիր և շարժվիր առաջ: Նա, ով շարունակում է առաջ քայլել, վերջիվերջո հաղթող դուրս կգա: Դա երկար ճանապարհ է, որը սկսվում է փոքր քայլերից, որոշումներից ու գործողություններից, որոնք, վերջին հաշվով, տանում են հաղթանակի:
7. Փորձել վերահսկել ամեն մանրուք
Կյանքին պետք է թեթև մոտենալ, այլ ոչ թե նրա կոկորդը սեղմել: Երբեմն պետք է թուլանալ և ուղղակի ապրել՝ առանց ավելորդ անհանգստության ու ծայրահեղ վերահսկողության: Սովորիր թողնել այնքան, որքան ամուր սեղմել ես: Խորը շունչ քաշիր: Երբ անտառում մառախուղը վերանա, ու դու նորից կարողանաս տեսնել ծառերը, արա հաջորդ քայլը: Պարտադիր չի՝ իմանաս, թե որ ուղղությամբ ես գնում, որպեսզի հասնես հաջողության: Հասկանո՞ւմ ես դա հիմա, թե՞ ոչ, բայց կյանքում գոյություն ունի խիստ կարգ ու կանոն: Ուղղակի պահանջվում է որոշակի ժամանակ, որպեսզի համընկնեն բոլոր կետերը:
8. Չձգտել նրան, ինչին դու իրոք արժանի ես
Եղիր հնարավորինս ուժեղ, որպեսզի համակերպվես ու բաց թողնես, և հնարավորինս իմաստուն, որպեսզի սպասես նրան, ինչին իրականում արժանի ես: Երբեմն ստիպված ես շատ իջնել, որպեսզի հետո ավելի բարձրանաս: Պետք է թույլ տալ՝ արցունքներն աչքերն ավելի պարզեցնեն, որպեսզի տեսնես բացվող հնարավորությունները: Կանգ մի առ նույն մակարդակում:
9. Անվերջ սպասել վաղվան
Խնդիրն այն է, որ միշտ մտածում ես, որ դեռ շատ ժամանակ ունես: Բայց մի օր կարթնանաս ու կհասկանաս, որ այլևս ժամանակ չունես և արդեն չես հասցնի անել այն, ինչին միշտ ձգտում էիր: Այդ ժամանակ դու կամ հասած կլինես՝ ինչին ցանկանում էիր, կամ կունենաս պատճառների ցուցակ, թե ինչու չես արել դա:
10. Լինել ծույլ և տատանվող
Աշխարհը քեզ որևէ բանով պարտական չէ, դու ես պարտական աշխարհին ինչ-որ բան: Այնպես որ, դադարիր ճախրել երկնքում և գործիր: Պատասխանատվությունը քո կյանքի համար ընկած է քո ուսերին: Դու կարևոր ու պետքական ես: Շատ ուշ է նստել և սպասել, թե ինչ-որ մեկը քո փոխարեն ինչ-որ բան կանի: Ինչ-որ մի օրը հիմա է, և աշխարհին դու ես հարկավոր:
