Wnews.am-ը գրում է.
Ինչպես արդեն տեղեկացրել ենք «Միսս Արմենիա» համահայկական հիմնադրամը ՀՀ մշակույթի և սփյուռքի նախարարությունների բարձր հովանու ներքո Հայաստանում իրականացնելու է գեղեցկության երկար սպասված մրցույթ՝ նոր թիմով, որակով և բացառիկ հնարավորությամբ ՝ Հայաստանը պատմության մեջ առաջին անգամ կներկայանա «Միսս աշխարհ» միջազգային ամենահեղինակավոր գեղեցկության մրցույթին: «Միսս Արմենիա» համահայկական հիմնադրամի ջանքերով նախընտրական փուլերի արդյունքում ընտրված 24 աղջիկներից մեկը հնարավորություն կունենա Հայաստանը ներկայացնել «Միսս աշխարհ» գեղեցկության մրցույթին, որն այս տարի տեղի է ունենալու նոյեմբերի 18-ին Չինաստանի Սանյա քաղաքում։
Wnews.am-ը սկսում է նոր նախագիծ՝ պարբերաբար ներկայացնելով նախընտրական փուլերը հաղթահարած և մրցույթի եզրափակչին մասնակցելու հնարավորություն ստացած աղջիկներին, նրանց, ովքեր հավակնում են դառնալ «Միսս Արմենիա» համահայկական հիմնադրամի կողմից կազմակերպվող գեղեցկության մրցույթի հաղթողն ու հետագայում մասնակցել «Միսս աշխարհ» -ին: Մեր առաջին գեղեցկուհին Սյունիքի մարզը ներկայացնող Թերեզա Մարտիրոսյանն է:
Թերեզա կպատմես քո մասին:
-Ծնվել եմ Սյունիքի մարզում՝ Կապան քաղաքում: 18 տարեկանից տեղափոխվել եմ Երևան՝ ուսման նպատակով: Ավարտել եմ Երևանի Կոմիտասի անվան պետական կոնսերվատորիայի դասական վոկալ բաժինը : Ունեմ մագիստրոսի աստիճան: 19 տարեկանից աշխատում եմ որպես մոդել, սովորել եմ ATEX նորաձևության տանը : Այս ընթացքում աշխատել եմ ոչ միայն Հայաստանում , այլև արտերկրում աշխատող դիզայներների հետ: Իտալիայի Հռոմ քաղաքում The Look Of The Year մրցույթի շրջանակներում աշխատել եմ իտալացի մի շարք դիզայներների հետ:
Ինչու՞ որոշեցիր մասնակցել մրցույթին, ո՞րն է նպատակդ։
Նպատակս Հայաստանը պատվով ներկայացնելն է «Միսս Աշխարհ» , «Միսս Տիեզերք» հեղինակավոր գեղեցկության մրցույթներում :
Ինչպե՞ս է ընթացել մրցույթի նախընտրական փուլը:
Շատ թեթև , հարցազրույցը շատ անմիջական էր, հանգիստ էի, քաի որ վստահ էի, որ նախընտրական փուլը կանցնեմ: Ինձ շրջապատող մարդիկ , հարազատներս ու ընկերներս շատ են ոգևորված : Հարազատներս խորհուրդ տվեցին մասնակցել, որովհետև վստահ են իմ ուժերին:
Ո՞րն ես համարում արտաքինիդ գլխավոր առավելությունը։
Աչքերս
Ծանո՞թ ես մյուս մասնակիցների հետ:
Մասնակիցների մի մասին եմ միայն ծանոթ :
Հաղթելու դեպքում ի՞նչ կանես։
Հաղթանակի դեպքում մրցանակիս մի մասը կտրամադրեմ քաղցկեղով հիվանդ երեխաների բուժմանը:
Նյութի Աղբյուր՝ Orer.am