Զգուշացեք. «ՎիվաՍելը» հաճախորդներին գցում է ֆինանսական ծուղակի մեջ․ հերթական խաբեությունը

«ՎիվաՍելի» աշխատակցուհին բարի ու սիրալիր ժպիտով խաբում է հաճախորդին՝ նշելով, որ իրեն այս պահին առաջարկում են մի կապ, որը կարող է սպառվել 4 ամսվա ընթացքում, իսկ բաժանորդի ներկայացրած տարբերակի դեպքում, այսինքն՝ 4 համակարգչի համատեղ օգտագործման դեպքում այն կաշխատի մեկ ամիս։

Քանի որ այս տարբերակը ձեռք է տալիս բաժանորդին, ապա նա առանց վարանելու և վստահելով «ՎիվաՍելին»՝ վերցնում է մոդեմը։ Սակայն ճիշտ 14 օր անց նշված մեկամսյա գեգաբայթը սպառվում է։ Բաժանորդը նույնչափ գեգաբայթ հզորության համար՝ հավելյալ վճարում է կատարում, որը սակայն ավելի շուտ է սպառվում․ 5 օր հետո ինտերնետը դարձյալ անջատվում է։

Եվ ամենացավալին նաև այն է, որ երբ բաժանորդը զանգահարել է պարզելու, թե ինչու է իր կապն անջատվել, քանի որ 5 օր առաջ էր վճարել, նրան հեռախոսի մյուս ծայրից նույն սիրալիր տոնով պատասխանել են, որ վճարում չի կատարվել։ Իսկ երբ հաճախորդը պնդել է, թե այնուամենայնիվ վճարում եղել է, «ՎիվաՍելի» աշխատակիցը ներողություն է խնդրել և նշել, որ այո՛, կատարվել է, սակայն ոչինչ չեն կարող անել, քանի որ համապատասխան գեգաչափ հզորություն կարող են տրամադրել միայն այն ժամանակ, երբ մեկ ամիսը լրանա, իսկ դրան դեռ 10 օր կա։