Զաքիր Հասանովն առաջնագծում է․ ադրբեջանական հերթական ձախողումը
Դիտումներ ` 2121
Ամեն անգամ Ադրբեջանի պաշտպանության նախարարի՝ առաջնագիծ բարձրանալուց հետո Ադրբեջանը սկսում է մեղադրել հայկական կողմին հրադադարի խախտման ռեժիմի մեջ:
Սակայն հակառակորդ երկրի բանակի ղեկավարն ամեն անգամ ինքն է ղեկավարում բանակի ամենաձախողված դիվերսիանները և հրադադարի ռեժիմի խախտման փորձերը:
Հիշեցնեմ, որ ապրիլյան դեպքերի ժամանակ հենց Հասանովն էր ղեկավարում երկու ուղղաթիռների հարձակումը, որը ավարտվեց նրանով, որ ուղղաթիռները պարզապես օդ բարձրանալուց հետո խփվեցին՝ առանց որևէ մարտական գործողություն կատարելու:
Զաքիր Հասանովի հրամանով ու նրա ներկայությամբ տեղադրվել էին թշնամու բանակի հրետանիները գյուղին հարակից վայրում: Հասանովի հրամանով հենց այդ վայրերից կրակում էին հայկական դիրքերի ուղղությամբ: Հետագայում պատժիչ գործողությունների արդյունքում քաղաքացիական զոհ ունեցավ Ադրբեջանը, ինչի մեղավորը և պատասխանատուն բացառապես Զաքիր Հասանով ռազմական գործիչն է:
Ընդհանրապես ադրբեջանական գրեթե բոլոր ձախողված գործողությունների ղեկավարն այս մարդն է:
Այսօր էլ նա զինվորների Ամանորը շնորհավորելու պատրվակով կրկին բարձրացել է առաջնագիծ, որպեսզի այդ նույն զինվորների գլխին ևս մեկ փորձանք բերի, քանի որ մեծ ցանկություն ունի երկրի նախագահի աչքին մի փոքր բարձրանալու:
Մեր սահմանապահ տղերքն ամեն անգամ պատվով կատարել են իրենց ծառայությունը:
Տղերք, ուշադիր կլինեք:
Աշոտ Ասատրյանի ֆեյսբուքյան էջից
