Փաշինյանի վճռական գրոհը ԱԺ-ում

Ազգային ժողովի այսօրվա արտահերթ նիստի օրակարգում նախագծեր են, որոնք մինչև խորհրդարանում քննարկվելը հասցրել են քաղաքական հակասությունների առիթ դառնալ:

 

Խնդրահարույց օրինագծերից մեկը «Բարեգործության մասին» օրենքում առաջարկվող փոփոխությունների նախագիծն է, որը ճակատների է բաժանել համաձայնության կառավարություն ձևավորած քաղաքական ուժերին: Փոփոխությունների նախագիծը հստակեցնում է բարեգործական համարվող և չհամարվող ծրագրերի սահմանագիծը: Օրինակ, նշվում է, որ բարեգործական չեն կարող համարվել կուսակցություններին, առևտրային կազմակերպություններին դրամական կամ այլ միջոցների հատկացում ներառող ծրագրերը։