Բրիտանական The Daily Mail պարբերականը հայտնել է, որ անգլիական ֆուտբոլի լեգենդ Դևիդ Բեքհեմը մտադրվել է կնոջը՝ հայտնի դիզայներ Վիկտորիա Բեքհեմին, առաջին անգամ հանդիպելու 20-ամյակի առթիվ նրան ինքնատիպ ու շքեղ նվեր մատուցել:
Աղբյուրի հաղորդմամբ՝ մարզիկը պատրաստվում է կնոջ համար Կարիբյան ծովում գտնվող մասնավոր կղզիներից մեկը գնել: Նախնական տեղեկություններով կղզին արժի մոտ 10 մլն դոլար:
Հիշեցնենք, որ վերջերս հարցազրույցներից մեկում Վիկտորիա Բեքհեմը խոստովանել էր, որ շատ երջանիկ ու բախտավոր է, որ Դևիդի պես հոգատար ու լավ ամուսին ունի:
Նշենք, որ հայտնի ֆուտբոլիստն իր ապագա կնոջը հանդիպել է 1997թ.՝ «Մանչեսթեր Յունայթեդ»-ի խաղից հետո: Դրանից 2 տարի անց նրանք ամուսնացել են: Այժմ այս երջանիկ զույգը 4 երեխա ունի:
Նյութը՝ orer.am