Ավելի քան 12.000 դոլար. ԱՄՆ-ում աճուրդով վաճառել են Չերչիլի կիսատ թողած սիգարը (լուսանկարներ)

Մեծ Բրիտանիայի նախկին վարչապետ Ուինսթոն Չերչիլի կիսատ թողած սիգարն ավելի քան 12.000 դոլարով վաճառվել է ԱՄՆ-ում RR Auction աճուրդի տան կողմից կազմակերպված աճուրդի ժամանակ: 

Ինչպես նշում է ria.ru-ն, բրիտանացի առաջնորդն այդ սիգարը ծխել է 1947թ. մայիսի 11-ին՝ Փարիզի «Լը Բուրժե» օդանավակայանում: Հայտնի է, որ նմուշը պահպանվել է օդանավակայանի աշխատակիցներից մեկի շնորհիվ:

Տասը սանտիմետրանոց սիգարի վրա պահպանվել է դրա անվանումն ու Չերչիլի անունը կրող պիտակը (La Corona/Winston Churchill):

Նշվում է, որ սիգարը գնել է Ֆլորիդա նահանգից մասնավոր հավաքորդ: